थानकोट ।

स्थानीय तह निर्वाचनको मतगणना देशभर भइरहेको छ । चन्द्रागिरि नगरपालिकाको मत गणना नगर कार्यपालिकाको कार्यालय बलम्बुमा जारी छ ।

चन्द्रागिरि नगरका वडा नं. १ देखी ७ तथा ९ नं. को मतगणना सकिएको छ ।

अहिले चन्द्रागिरि ८ र १० काे मतगणना जारी छ ।

चन्द्रागिरि ८ मा नेपाली काँग्रेसका उम्मेदवारले अग्रता बनाइरहँदा नेकपा एमालेका उम्मेदवारले पछ्याइरहेका छन् । पछिल्लो मत गणनाको विवरण अनुसार २९०० मत खसेको चन्द्रागिरि ८ को २८०० मत गणना हुँदा वडाध्यक्षमा नेपाली काँग्रेसका उम्मेदवारले १३९१ मत पाउँदा नेकपा एमालेका उम्मेदवारले ९७७ मत पाएका छन् ।

यस वडामा नेपाली काँग्रेस र नेकपा माओवादी केन्द्र बीच गठबन्धन बनेको छ ।

२९०० मत खसेको चन्द्रागिरि ८ को नेतृत्व लिन २ स्वतन्त्र सहित ६ उम्मेदवारहरूले उम्मेदवारी दर्ता गराएका थिए ।

हालसम्म चन्द्रागिरि ८ बाट मेयर पदका लागि रूख चिन्हमा १३१८ तथा सूर्य चिन्हमा १०९० मत परेको छ ।