‘यो संस्था २ अर्ब ३५ करोड लोनमा कहिलेसम्म बाँच्न सक्छ ? त्यसैले आफ्नो प्रोपटी सरकारलाई बेचेर लोनबाट मुक्त हुनुपर्छ भनेर गत माघ–फागुनबाट छलफल सुरु गरेका थियौं’, कार्यबाहक अध्यक्ष शर्माले भने, ‘संस्थाको १६ औं वार्षिक साधारणसभा वैशाख ३ गते सरकारलाई जग्गा र संरचना लिइदिन अनुरोध गर्ने निर्णय गरेको हो ।’ मेडिकल कलेजसँग स्वयम्भूमा २८ रोपनी जग्गा र दहचोकमा ६२ रोपनी जग्गा र ती जग्गामा बनेका भवनसहितका संरचना छन् ।