थप आठ जनामा कोरोना संक्रमण
Thankot Times
२०७९ असोज २२ गते १८:४६
थानकोट ।
नेपालमा थप आठ जनामा कोरोना संक्रमण पुष्टि भएको छ ।
पछिल्लो २४ घण्टामा एक हजार ३२९ वटा स्वाब नमुनाको परीक्षण गरिएकामा आठ जनाको नतिजा पोजिटिभ आएको हो । ४६८ नमुनाको पीसीआर परीक्षण गर्दा ६ र ८६१ नमुनाको एन्टिजेन विधिबाट परीक्षण गर्दा दुईजनामा संक्रमण देखिएको हो ।
पछिल्लो २४ घण्टामा देशभर ६१ जना निको भएका छन् । यो सँगै नेपालमा कोरोनामुक्त हुनेको संख्या नौ लाख ८७ हजार २७५ पुगेको छ ।
हाल देशभर कोरोनाका सक्रिय संक्रमितको संख्या ५७३ रहेको स्वास्थ्य तथा जनसंख्या मन्त्रालयले शनिबार जनाएको छ ।
ट्रेन्डिङ
