यू-२३ सेन्ट्रल जोन भलिबलः सबै खेल हारेपनि नेपाल सेमिफाइनलमा
Thankot Times
२०७९ पुष १० गते ८:५४
थानकोट ।
२३ वर्षमुनिको सेन्ट्रल एसियन जोन अन्तराष्ट्रिय पुरुष भलिबल च्याम्पियनसिपमा नेपालले समुह चरणका सबै तीन खेल हारेपनि सेमिफाइनल खेल्ने भएको छ ।
प्रतियोगितामा चार टोलीमात्रै सहभागि भएकोले नेपालले समुह चरणका सबै खेल हारेपनि सेमिफाइनलमा स्थान बनाएको हो । सेमिफाइनलमा नेपालले आयोजक बंगलादेशको सामना गर्नेछ ।
ढाकामा जारी प्रतियोगिताको लिग चरणमा शीर्ष स्थानमा रहेको बंगलादेशले पुछारमा रहेको नेपालसँग सेमिफाइनलमा खेल्ने भएको हो ।
प्रतियोगितामा चार टोलीको सहभागिता भएकाले चारै टोलीले सेमिफाइनलमा स्थान बनाएका हुन् ।
यस्तै, अर्को सेमिफाइनलमा श्रीलंका र किर्गिस्तानबीच खेल हुनेछ ।
दुवै सेमिफाइनल खेल आइतबार हुनेछ ।
ट्रेन्डिङ
