थानकोट । 

बंगलादेशमा जारी काभा २३ वर्षमुनि (यू-२३) अन्तर्राष्ट्रिय पुरुष भलिबल प्रतियोगितामा नेपाल जितविहीन बनेको छ। 

ढाकामा आज तेस्रो स्थानका लागि भएको खेलमा श्रीलंकाले नेपाललाई ३-२ को सेटमा पराजित गरेपछि नेपाल चौथो स्थानमा रह्यो ।

खेलको पहिलो सेट २५-२२ ले गुमाएको नेपाल दोस्रो सेटमा भने विजयी भयो। नेपालले श्रीलंकामाथि दोस्रो सेट २५-९ ले जित्यो।

त्यस्तै खेलको तेस्रो सेट श्रीलंकाले २५-१९ ले जित्यो भने खेलको चौथो सेटमा नेपाल विजयी भयो । 

नेपाल २५-२० ले जिते पनि त्यसपछिको सेटमा पराजित भयो। खेलको अन्तिम सेट श्रीलंकाले १५-१० ले आफनो पक्षमा पारेपछि श्रीलंकाको जित पक्का भयो।

च्याम्पियनसिपमा आयोजक बंगलादेशसँगै नेपाल, श्रीलंका र किर्गिकिस्तान गरी चार टोलीको सहभागिता रहेको थियो।

 आजै हुने फाइनल खेलमा आयोजक बंगलादेश र किर्गिकिस्तान भिड्नेछन्।