सतुंगलबाट समातिए फ्रान्स पठाइदिन्छु भनी १९ लाख रूपैयाँ ठगी गर्ने महत
Thankot Times
२०७९ माघ ४ गते १७:०६
थानकोट ।
काठमाडौं उपत्यका अपराध अनुसन्धान कार्यालयको टोलीले १९ लाख रकम ठगी गरेको आरोपमा एक जनालाई सतुंगलबाट पक्राउ गरेको छ ।
फ्रान्स पठाइदिन्छु भनी रकम ठगी गर्ने ४६ वर्षीय तेजेन्द्र महतलाई प्रहरीले पक्राउ गरेको हो ।
महतमाथि राजेन्द्र रानामगरसहित ३ जनासँग प्रतिव्यक्ति १० लाख रुपैयाँ भन्दै पटक पटक गरेर १९ लाख रुपैयाँ लिई सम्पर्कविहीन भएको प्रहरीको आरोप छ ।
उनी तनहुँ शुक्लागण्डकी नगरपालिका-८ घर भई हाल चन्द्रागिरि नगरपालिका सतुंगल बस्दै आएका थिए ।
महतलाई थप अनुसन्धान तथा कारबाहीको लागि वैदेशिक रोजगार विभाग बुद्धनगर पठाइएको काठमाण्डौ उपत्यका अपराध अनुसन्धान कार्यालयका सूचना अधिकृत प्रहरी उपरीक्षक कृष्ण प्रसाद कोईरालाले जानकारी दिए ।
ट्रेन्डिङ
