थानकोट । 

नागढुङ्गाबाट लागूऔषध खैरो हेरोईन जस्तो देखिने पदार्थसहित एक जना युवा पक्राउ परेका छन् । 

बिहीबार दिउँसो १ ग्राम ७२ मिलिग्राम सो पदार्थसहित दाङ बबई गाउँपालिका-४ घर भएका २६ वर्षीय सुमन बुढालाई प्रहरीले पक्राउ गरेको छ । 

नेपालगंजबाट काठमाडौं आउँदै गरेको बा ५ ख ४५ नम्बरको बसलाई प्रहरी वृत्त थानकोटबाट खटिएको प्रहरीले जाँच गर्ने क्रममा बसमा सवार उनलाई उक्त लागूऔषध सहित फेला पारी पक्राउ गरेको हो । 

यस सम्बन्धमा थप अनुसन्धान जारी रहेको प्रहरी वृत्त थानकोटले जनाएको छ ।