थानकोट।

अखिल नेपाल फुटबल संघको आयोजनामा आजदेखि सुरु हुने सहिद स्मारक ‘ए’ डिभिजन लिगको उद्घाटन खेलमा विद्यार्थीलाई निःशुल्क प्रवेश दिइने भएको छ ।

काठमाडौंको त्रिपुरेश्वरस्थित दशरथ रंगशालामा हुने उद्घाटन खेलमा नवप्रवेशी खुमालटार एफसी र फ्रेन्ड्स क्लबले प्रतिस्पर्धा गर्दैछन् ।

‘‘नेपाली फुटबलको विकासको लागि लिग मेरुदण्ड रहेको छ ।  हरेक खेल सर्वसाधारणको पहुँचमा रहनुपर्छ । एमडीएसी स्पोर्ट्स र टिकेटिङ पार्टनर ईसेवाले सहकार्य गर्दै उद्घाटन खेलमा विद्यार्थीहरूलाई निःशुल्क प्रवेशको व्यवस्था मिलाएका छौँ,’’ एमडीएसी स्पोर्ट्सका प्रमुख कार्यकारी अधिकृत अर्जुन घिमिरेले भने, ‘‘हरेक स्कुल र कलेजका विद्यार्थीहरूले परिचयपत्र देखाएर साधारण प्यारापिटतर्फ निःशुल्क प्रवेश गर्न सक्नेछन् ।’’

उद्घाटन खेल बेलुका ५ः३० बजे सुरु हुनेछ ।

लिगको उद्घाटन काठमाडौं महानगरपालिकाका मेयर बालेन्द्र शाह (बालेन)ले गर्ने कार्यक्रम छ ।