थानकोट ।

नेपाली कांग्रेसले वैशाख १० का लागि तय भएको उपनिर्वाचनका लागि बारा क्षेत्र नम्बर-२ मा जनता समाजवादी पार्टी (जसपा)का उमेदवारलाई सघाउने निर्णय गरेको छ ।

आइतबार पार्टी कार्यालय सानेपामा बसेको केन्द्रीय कार्यसम्पादन समितिको बैठकबाट यस्तो निर्णय गरिएको सहमहामन्त्री जीवन परियारले जानकारी दिए ।

कांग्रेसले सो उपनिर्वाचनका लागि तनहुँ-१ मा गोविन्द भट्टराई र चितवन-२ मा पूर्व जिल्ला सभापति जितनारायण श्रेष्ठ  यसअघि नै उमेदवारको टुंगो लगाइसकेको छ ।

बारा-२ मा जसपाका अध्यक्ष उपेन्द्र यादव सत्ता गठबन्धनका तर्फबाट साझा उमेदवार बन्ने चर्चा चलिरहेको छ ।