थानकोट ।

सहकारी क्षेत्रको एकमात्र बैंक राष्ट्रिय सहकारी बैंक स्थापनाको २१औं वर्षमा प्रवेश गरेको छ ।

वि.सं. २०६० असार २५ गते दर्ता भइ २०६० साउन १९ गतेबाट कारोबार शुरु गरेको बैंकले स्थापना दिवसको अवसरमा विभिन्न शाखाहरूमा विविध कार्यक्रम आयोजना गरेको छ ।

यसैबीच राष्ट्रिय सहकारी बैंक लिमिटेडले विभिन्न शाखाबाट कारोबार गरेको आधारमा सहकारी संस्थहरूलाई सम्मानित गरेको छ ।

बैंकको कलंकी शाखाले आ.व. २०७८।०७९ मा बैंकको शो शाखाबाट गरेको कारोबारको आधारमा उत्कृष्ट कारोबार विधाबाट चन्द्रागिरि नगरपालिका ०७ थानकोट चेकपोष्टस्थित चन्द्रागिरि बचत तथा ऋण सहकारी संस्था लिमिटेडलाई सम्मानित गरेको छ ।

यसैगरी बैंकको बलम्बु शाखाले आ.व. २०७८।०७९ मा बैंकको शो शाखाबाट गरेको कारोबारको आधारमा उत्कृष्ट कारोबार विधाबाट चन्द्रागिरि नगरपालिका ०३ थानकोटस्थित परिश्रमी साकोसलाई सम्मानित गरेको छ ।

हाल देशका विभिन्न स्थानमा ६८ वटा शाखा र एउटा कर्पोरेट कार्यालय रहेको राष्ट्रिय सहकारी बैंकमा ७७ वटै जिल्लाका १६ हजार ६० सहकारी संघसंस्था सदस्य छन् ।