थानकोट ।

चन्द्रागिरि तथा धुनिवेशीं नगरमा राष्ट्रिय गाैरवको आयोजनाका रूपमा निर्माणाधीन नागढुङ्‍गा सुरूङ अब ‘ब्रेक थ्रु’को चरणमा प्रवेश गरेको छ ।

आयोजनाले मंगलबार सार्वजनिक गरेको विवरण अनुसार यो सुरुङको ‘ब्रेक थ्रु’का लागि अब २००.६० मिटर मात्र खन्न बाँकी रहेको छ । यहाँ कुल २ हजार ६८८ मिटर लामो सुरुङ मार्ग बन्दैछ । जसमध्ये २ हजार ४८७ मिटर सुरुङ खन्ने काम पूरा भएको छ ।

आयोजनाका निर्देशक नवीनमान श्रेष्ठका अनुसार यस आयोजनाको रेस्क्यू टनेलको भने ‘ब्रेक थ्रु’ भइसकेको छ । यहाँ २ हजार ५५७ मिटर लामो रेस्क्यू टनेल रहेको छ । जसको ७ अगष्ट २०२३ का दिन ‘ब्रेक थ्रु’ भएको हो । टनेलको कुल भौतिक प्रगति ९६.४० प्रतिशत पुगेको छ । अब ३.६० प्रतिशत मात्र भौतिक प्रगति बाँकी रहेको आयोजनाले जनाएको छ ।