चन्द्रागिरि नगरपालिका वडा-७ स्थित घुमाउनेमा शनिबारदेखि  ‘ड्रिम वर्ल्ड एम्यूजमेन्ट’ पार्क सञ्चालनमा आएको छ ।

१८ महिनादेखि निर्माण भइरहेको नेपालमा हालसम्मकै सबैभन्दा ठूलो क्षेत्रफल र लगानीमा सो एम्यूजमेन्ट अर्थात मनोरञ्जन पार्क सञ्चालनमा ल्याइएको हो ।

६ करोड लगानीमा निर्मित तथा ५ रोपनी क्षेत्रफलमा रहेको चार तल्ले भवनको तीन वटा तल्ला रमाइला थ्रीडी आर्ट तथा विभिन्न आकृतिहरुको भरिएका छन् ।

पर्याप्त पार्किंग स्थल सहितको सो पार्कमा आउने आगन्तुकका लागि विभिन्न परिकारहरूसंग रमाउन फास्टफुड क्याफे तथा रेस्टुरेन्ट पनि संचालन गरिएको छ ।

उहाँले, “ड्रीमवर्ल्ड एउटा घरभित्र निर्माण गरिएको मनोरञ्जनात्मक पार्क रहेकाे र यो एउटा सपनाको संसार रहेकाे बताउनुभयाे । घरभित्र नयाँ र आकर्षक विषेश प्रविधियुक्त बस्तु,चित्र तथा मनोरञ्जनका साधनहरूबाट नौलो र रोचक अनुभवहरू प्राप्त गर्न गर्न सकिन्छ । सबै उमेरका व्यक्तिहरू यहाँ भिडियो तथा तस्बिरहरू खिच्दै यहाँ भएको रेस्टुरेन्टमा विभिन्न परिकारहरू खाँदै  रमाउन सक्छन् ।

नेपालमै पहिलोपटक कम मूल्यमा एकै ठाउँमा त्यो पनि एउटै भवनभित्र धेरै सुविधा प्राप्त गर्न सकिने गन्तव्यका रुपमा यसलाई विकास गरिएको जानकारी गराउँदै पुनले काठमाठाैँ उपत्यकाको भिडभाडबाट  केही पर गएर शान्त  प्राकृतिक वातावरणमा रम्न चाहानेहरूका लागि चन्द्रागिरिमा अवस्थित यो क्षेत्र आफैंमा महत्वपूर्ण रोजाइमा पर्न सक्छ भन्ने  विश्वास लिएको बताउनुभयो।

ड्रिम वर्ल्ड भित्रका आकृति तथा संरचनालाई क्रमश: थ्रीडी आयामको भ्रम (३ डी इलुजन), दिव्य कोठा (डिभाइन रूम), भ्रमको हल (हल अफ इलुजन), बलहरूको क्षेत्र (बबल जोन), बालबालिका क्षेत्र (किड्स जोन), प्रेमको यात्रा (जर्नी अफ लभ), इन्टरगालेक्टिक स्पेससहित सात भागमा विभाजन गरिएको छ ।

व्यस्त जीवनबाट थकित र पट्यार लागेको मानसिकतालाई पुनर्ताजगी दिन, आफ्ना नानीबावुहरूलाई पनि केही सिक्न र सिकाउन ड्रिम वर्ल्ड एजूमेण्ट एउटा उचित गन्तव्य बनेको देखिन्छ । भविष्यमा दर्शकको मागलाई ध्यानमा राखेर खेल तथा मनोरन्जनका लागि यहाँ अन्य थप प्राविधिक तथा सिर्जनात्मक वस्तु तथा प्रस्तुतिहरू जोड्दै जाने हो भने थप आकर्षण बढाउँदै जाने देखिन्छ।

शनिबारदेखि  १  महिनासम्म सबै आगन्तुकहरूलाई सेवा सुरु भएको अवसरमा नियमित टिकट मूल्यमा २५ प्रतिशत छुट गरेको व्यवस्था गरिएको ड्रिम वर्ल्ड व्यवस्थापनले जनाएको छ ।