थानकोट ।

धादिङमा टिपर दुर्घटना हुँदा एक जनाको मृत्यु भएको छ।

धादिङको बेनिघाट रोराङ गाउँपालिका-२, छापडाँडामा आइतबार राति करिब ८ बजे बा. ४ ख. ३५५९ नम्बरको टिपर दुर्घटना हुँदा घाइते भएका बेनिघाट रोराङ-२ का २९ वर्षीय गोविन्द श्रेष्ठको उपचारको क्रममा मृत्यु भएको जिल्ला प्रहरी कार्यालय धादिङले जनाएको छ ।

प्रहरीका अनुसार टिपर आफैँ अनियन्त्रित भई बाटोछेउमा पल्टिएको थियो ।

दुर्घटनामा घाइते भएका दुई जनाको मलेखुस्थित अस्पतालमा उपचार भइरहेको छ ।