थानकोट ।

कारोबार हुने साताको तेस्रो दिन आज मंगलबार नेपाली बजारमा सुनचाँदीको मूल्य घटेको छ ।

सुनको मूल्य तोलामा एक हजार २ सय रुपैयाँले घटेर कारोबार भएको छ ।

आज छापावाल सुन प्रतितोला एक लाख ४० हजार ६ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । हिजो सोमबार छापावाल सुन प्रतितोला एक लाख ४१ हजार ८ सय रुपैयाँमा कारोबार भएको थियो ।

आज तेजाबी सुन प्रतितोला एक लाख ३९ हजार ९ सय रुपैयाँमा कारोबार भइरहेको छ ।

सोमबार तेजाबी सुन प्रतितोला एक लाख ४१ हजार १ सय रुपैयाँमा कारोबार भएको थियो ।

चाँदीको मूल्य पनि तोलामा ५५ रुपैयाँले घटेको छ ।

चाँदी प्रतितोला एक हजार ८ सय ८५ रुपैयाँमा कारोबार भइरहेको महासंघले जनाएको छ ।

हिजो सोमबार चाँदी प्रतितोला एक हजार ९ सय ४० रुपैयाँमा कारोबार भएको थियो ।