थानकोट ।

वर्षासँगैको बाढीले बगाउँदा बिहीबार कीर्तिपुरमा एकजनाको मृत्यु भएको छ ।

मच्छेगाउँ बसपार्क नजिकका ६२ वर्षीय सहदेव तामाङको मृत्यु भएको कीर्तिपुर प्रहरीले जनाएको छ ।

वर्षासँगै त्यहाँ ढलको पानी बाहिर आउन थालेको थियो ।

त्यसपछि ढल मिलाउन जाँदा बाढीले उनलाई बगाएको थियो ।

बाढीले बगाएर उनलाई ढलभित्र पुर्‍याएको थियो ।

उद्धार गर्दा उनको मृत्यु भइसकेको थियो ।

कीर्तिपुरकै कीर्ति बिहारनजिकको खोलामा परेर बिहीबार एकजना बेपत्ता छन् । प्रह्लाद महर्जन बेपत्ता भएका कीर्तिपुर प्रहरीले जनाएको छ । उनको खोजी जारी छ ।