थानकोट ।

नेपाली बजारमा सुनको भाउले नयाँ कीर्तिमान बनाएको छ ।

आज बुधबार सुनको भाउ एक तोलामा ८ सय रुपैयाँले बढेर अहिलेसम्मकै उच्च तोलाको एक लाख ६६ हजार ७ सय रुपैयाँ पुगेको हो ।

अघिल्लो कारोबार दिन मंगलबार सुनको भाउ तोलामा तीन सय रुपैयाँले बढेर तोलाको एक लाख ६५ हजार नौ सय रुपैयाँमा कारोबार भएको थियो ।

यस्तै आज बुधबार नेपालमा चाँदीको भाउ पनि बढेको छ ।

आज चाँदीको भाउ तोलामा ३५ रुपैयाँले बढेर तोलाको दुई हजार एक सय ३५ रुपैयाँमा कारोबार भइरहेको नेपाल सुनचाँदी महासंघले जनाएको छ ।