थानकोट ।

कारोबार हुने साताको दोश्रो दिन आज सोमबार नेपाली बजारमा सुनको मूल्यमा सामान्य गिरावट देखिएको छ । 

आज सुनको मूल्य अघिल्लो दिनको तुलनामा तोलामा एक हजार रुपैयाँ घटेर कारोबार भएको हो ।

सोमबार छापावाल सुन प्रतितोला एक लाख ६५ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

अघिल्लो कारोबार दिन हिजो आइतबार छापावाल सुन प्रतितोला एक लाख ६६ हजार रुपैयाँमा कारोबार भएको थियो ।

आज सोमबार चाँदीको मूल्य पाँच रुपैयाँ घटेर एक हजार ९ सय ५५ रुपैयाँमा कारोबार भइरहेको छ ।

हिजो आइतबार चाँदी प्रतितोला एक हजार ९ सय ६० रुपैयाँमा कारोबार भएको थियो ।