चन्द्रागिरि क्षेत्रमा तापक्रम घट्दो, चिसो बढ्दो
Thankot Times
२०८१ मंसिर ४ गते १०:३४
थानकोट ।
चन्द्रागिरि नगर क्षेत्रमा केही दिनयता क्रमिक रूपमा चिसो बढेको छ ।
चिसोसँग तापक्रम घट्दै गएको छ ।
मंगलबार बिहान पौने ९ बजे काठमाडौंको न्यूनतम तापक्रम ९.९ डिग्री सेल्सियस मापन गरिएको मौसम पूर्वानुमान महाशाखाले जनाएको छ । सोही समयमा सोमबार (हिजो) काठमाडौंको न्यूनतम तापक्रम १०.५ डिग्री सेल्सियस थियो ।
आइतबार (अस्ति) काठमाडौंको न्यूनतम तापक्रम १२.२ डिग्री सेल्सियस मापन गरिएको महाशाखाले जनाएको छ ।
महाशाखाले मंगलबार बिहान सार्वजनिक गरेको देशका १६ स्थानको विवरणमध्ये सबैभन्दा कम जुम्लाको न्यूनतम तापक्रम -४ डिग्री सेल्सियस छ ।
सोमबार जुम्लाको न्यूनतम तापक्रम -३.८ डिग्री सेल्सियस थियो । आइतबार जुम्लाको न्यूनतम तापक्रम -३.५ डिग्री सेल्सियस मापन गरिएको महाशाखाले जनाएको छ ।
ट्रेन्डिङ
