चन्द्रागिरि नगरपालिका वडा नंं ११ सतुङ्गलबाट पनि राष्ट्रिय परिचय पत्र वितरण हुँदै
Thankot Times
२०८२ वैशाख १९ गते १३:४४
थानकोट ।
चन्द्रागिरि नगरपालिकामा राष्ट्रिय परिचय वितरण कार्य जारी छ ।
गत फागुन महिनाबाट चन्द्रागिरि नगरपालिकामा सुरु भएको परिचयपत्र वितरणको कार्य चन्द्रागिरि नगरपालिकाले वडा नं. ११ सतुङ्गलमा बैशाख २१ गते आइतबारबाट सुरु हुने बताइएको छ ।
राष्ट्रिय परिचयपत्रका लागि फोटो खिचाएका र परिचयपत्र बनिसकेको सन्देश मोबाइलमा प्राप्त गरेका नगरबासीहरूले सम्बन्धित वडा कार्यालयबाट सो परिचय पत्र प्राप्त गर्न सक्ने चन्द्रागिरि नगरपालिकाले जनाएको छ ।
जसअनुसार चन्द्रागिरि नगरपालिका वडा नं. ११ सतुङ्गल बाट सो दिनदेखि राष्ट्रिय परिचय पत्र वितरण सुरु हुन लागेको हो ।
नामको सुरु अक्षरको वर्णानुक्रम अनुसार सो परिचयपत्र वितरण हुने वडाध्यक्ष नरेन्द्रराज श्रेष्ठले जानकारी दिए ।
ट्रेन्डिङ
