थानकोट ।

प्रधानमन्त्री केपी शर्मा ओलीले यही वैशाख २८ गते राष्ट्रिय सभा बैठकलाई सम्बोधन गर्ने भएका छन् ।

मंगलबार बसेको राष्ट्रियसभाको बैठकमा सभाका अध्यक्ष नारायणप्रसाद दाहालले सो जानकारी गराएका हुन् ।

सरकारले आगामी आर्थिक वर्षका लागि प्रस्तुत गरेको नीति तथा कार्यक्रममाथिको छलफल नसकिएको र नीति तथा कार्यक्रममाथि सांसदहरूले सदनमा उठाएका प्रश्नको प्रधानमन्त्री ओलीले जवाफ दिने कार्यक्रम राखिएको जानकारी दिए ।

“आर्थिक वर्ष २०८२/०८३ का लागि नेपाल सरकारको नीति तथा कार्यक्रममाथिको छलफलमा माननीय सदस्यहरूले बोल्ने क्रम नसकिएकोले आगामी बैठकमा समेत छलफल जारी रहने र सम्माननीय प्रधानमन्त्रीज्यूबाट जवाफ दिने गरि निर्धारण गरिएको व्यहोरा जानकारी गराइन्छ,” उनले भने ।

राष्ट्रिय सभाको अर्को बैठक वैशाख २८ गते आइतबार दिउँसो सवा १ बजे बस्नेछ ।