सहिद स्मृति खुल्ला राष्ट्रिय तेक्वान्दो प्रतियोगितामा शोणितपुर तेक्वान्दो डोजाङ टिम च्याम्पियन
Thankot Times
२०८२ असार २ गते ६:४४
थानकोट ।
थानकोटस्थित शोणितपुर डोजाङ सहिद स्मृति खुल्ला राष्ट्रिय तेक्वान्दो प्रतियोगितामा १९ स्वर्णसहित टिम च्याम्पियन बनेको छ ।
सहिद स्मृति स्पोर्ट्स एकेडेमीद्वारा आयोजित प्रतियोगितामा विभिन्न १० भन्दा धेरै जिल्लाबाट ४५० भन्दा बढि खेलाडीहरूको सहभागीता रहेको थियो ।
गोकर्णेश्वर नगरपालिकास्थित गोकर्णेश्वर स्पोर्ट्स सिटी हलमा आयोजना गरिएको दुइदिने प्रतियोगितामा शोणितपुर डोजाङ १९ स्वर्ण, ५ रजत, ४ कास्य पदक जित्दै टिम च्याम्पियन बनेको हो ।
त्यस्तै, नेसनल तेक्वान्दो एकेडेमी ११ स्वर्णसहित दोस्रो र चन्द्रागिरि तेक्वान्दो डोजाङ ७ स्वर्णसहित तेस्रो भयो ।
पहिलो, दोस्रो र तेस्रो हुने टोलीले क्रमशः ५० हजार, ३० हजार र २० हजार नगद पुरस्कार समेत पाए ।
गोकर्णेश्वर नगरका मेयर दिपक कुमार रिसाल लगायतले प्रतियोगिताका विजेता तथा उपविजेताहरूलाई पुरस्कार वितरण गरेका थिए ।
ट्रेन्डिङ
