थानकोट।

काठमाडौं महानगरपालिकाको कार्यपालिका बैठकले आगामी आर्थिक वर्ष २०८२/८३ को बजेट नगरसभामा पेस गर्ने निर्णय गरेको छ ।

आज बिहान बसेको बैठकले आजै बस्ने नगरसभामा आर्थिक विधेयक, विनियोजन विधेयक र नीति तथा कार्यक्रम पेस गर्ने निर्णय गरेको महानगरका प्रवक्ता नवीन मानन्धरले जानकारी दिए ।

“कार्यपालिका बैठक सकिएको छ । आजै बजेट नगरसभामा पेस हुन्छ । त्यसपछि बजेटमाथि छलफल सुरु हुन्छ,” उनले भने ।

महानगरको नगरसभा बैठक आजै दिउँसो २ बजेका लागि तय गरिएको छ ।

महानगरको स्रोत अनुमान तथा बजेट सीमा निर्धारण समितिले २५ अर्ब ११ करोड ३४ लाख रुपैयाँको बजेट ल्याउन सिफारिस गरेको थियो ।