एएफसी यू-२० एसियन महिला कप छनोटमा नेपालकाे फितलो सुरुवात
Thankot Times 
थानकोट ।
एएफसी यू-२० एसियन महिला कप छनोटमा नेपाल र भुटानबीचको खेल बराबरीमा सकिएको छ ।
बुधबार भुटानको थिम्पुस्थित चिम्लिङथाङ रंगशालामा दुवै टिमले एक–एक गोल गरेर बराबरी खेलेका हुन् ।
नेपालका निम्ति फरवार्ड सेनु परियारले पहिलो मिनेटमै अग्रता दिलाएकी थिइन् । तर, पहिलो हाफको मध्यभागमै नेपालले अग्रता गुमायो ।
१९औँ मिनेटमा केल्जिन वाङमोले भुटानको निम्ति बराबरी गोल फर्काएकी थिइन् ।
दोस्रो हाफमा दुवै टिमको गोलको अवसर पाए पनि सदुयोग गर्न सकेनन् ।
समूहमा नेपालसँगै दक्षिण कोरिया, भुटान र साउदी अरेबिया छन् ।
छनोट चरणमा प्रत्येक समूहको शीर्ष टोलीले आउँदो वर्ष आयोजना गरिने एएफसी यू–२० महिला एसियन कपको अन्तिम चरणमा स्थान बनाउनेछ ।
बुधबार नै समूह ‘ए’ अन्तर्गत दक्षिण कोरियाले साउदी अरेबियाविरुद्ध १५–० को फराकिलो जित निकालेको छ ।
नेपालले साउदी अरबसँग भोलि शुक्रबार र उत्तर कोरियासँग पर्सि आइतबार खेल्नेछ ।
ट्रेन्डिङ
