थानकोट ।

गणेशमान सिंह सडक मार्ग (थानकोट-चन्द्रागिरि-चित्लाङ सडक) को चन्द्रागिरि भञ्ज्याङ नजिकै एक जना पुरुष मृत भेटिएका छन् ।

प्रहरीका अनुसार मकवानपुरको इन्द्रसरोवर गाउँपालिका घर भएका ३२ वर्षीय सुजन* थिङ सोमबार मृत फेला परेका हुन् ।

उनी भदाै पहिलो साताबाट परिवारको सम्पर्कमा नरहेका प्रहरीको भनाइ छ ।

खोजी गर्ने क्रममा सडेको अवस्थामा थिङको शव सडकनजिकै भीरमा फेला परेको हो । हाल उनको शव परीक्षणका लागि त्रिवि शिक्षण अस्पताल महाराजगञ्ज लगिएको बताइएको छ । 

थिङको मृत्युको कारणका बारेमा थप अनुसन्धान भइरहेको प्रहरी वृत्त थानकोटले थानकोट टाइम्सलाई जानकारी दियो । 

* यसअघि अन्यथा भएकोले सच्याइएकाे छ  ।