सुनसरी र रुपन्देहीमा पनि कर्फ्यू जारी
Thankot Times
२०८२ भदौ २३ गते १६:४८
थानकोट ।
जिल्ला प्रशासन कार्यालय रुपन्देहीले सोमबार कर्फ्यू जारी गरेको छ ।
आज अपराह्न चार बजेदेखि राति १० बजेसम्म कर्फ्यू जारी गरिएको हो ।
प्रमुख जिल्ला अधिकारी टोकराज पाण्डेले बुटवलदेखि भैरहवासम्मको क्षेत्रमा कर्फ्यू जारी गरेको जानकारी दिएका छन् ।
सामाजिक सञ्जालमाथि सरकारले लगाएको प्रतिबन्धविरुद्ध जेनजी युवाहरूले प्रदर्शन गरेका थिए ।
यता, इटहरीको आन्दोलन हिंसात्मक बनेपछि स्थानीय प्रशासनले कर्फ्यू आदेश जारी गरेको छ ।
सुनसरीका सिडिओ धर्मेन्द्रकुमार मिश्रले अर्को सूचना जारी नभए सम्मका लागि इटहरी चोक आसपास क्षेत्रमा लागू हुने गरी कर्फ्यू लगाएका हुन् ।
जेनजेडका युवाहरूले उपमहानगर कार्यालयमा आगो लगाएर प्रदर्शन गरिरहेका छन् ।
ट्रेन्डिङ
