काठमाडाैंमा जेनजी प्रदर्शनः ट्रमा सेन्टरमा ७ जनाको मृत्यु, कीर्तिपुरका एकसहित ४ जनाको सनाखत
Thankot Times
२०८२ भदौ २३ गते १६:५८
थानकोट ।
काठमाडाैंमा जेनजी पुस्ताका युवाहरूले सोमबार गरेको प्रदर्शनमा गोली लागेर घाइते भएका ७ जनाको ट्रमा सेन्टरमा उपचारको क्रममा मृत्यु भएको छ ।
ट्रमामा उपचार गराइरहेका सात जनाको मृत्यु भएको हो ।
उनीहरूमध्ये ४ जनाको सनाखत भएको छ ।
मृत्यु हुनेमा कालिकोट खाडाचक्र नगरपालिका–१ घर भएका २५ वर्षीय पवन शाही, बाँके घर भएका २५ वर्षीय सुलभ राज श्रेष्ठ, करिब १९ वर्षीय सिमाय चौलागाईं र कीर्तिपुर नगरपालिका–२ घर भएका ४१ वर्षीय बुद्धिबहादुर तामाङ छन् ।
श्रेष्ठ र चौलागाईंको टाउकोमा गोली लागेको छ ।
पवन शाहीको पेटमा गोली लागेको ट्रमा सेन्टरका एक जना चिकित्सकले बताए ।
सुनसरी घर भएका करिब २९ वर्षीय पुरुषको सनाखत भएको छैन् ।
त्यस्तै दुई जना पुरुषको सनाखत हुन सकेको छैन् । प्रहरी स्रोतका अनुसार मृतकको सङ्ख्या १५ जना पुगेको छ ।
ट्रेन्डिङ
