थानकोट ।

सोमबार शितल निवासस्थित राष्ट्रपति कार्यालयमा तीन मन्त्रीहरूले शपथ ग्रहण गरेका छन् ।

प्रधानमन्त्री सुशीला कार्कीको उपस्थितिमा राष्ट्रपति रामचन्द्र पौडेलले उनीहरूलाई शपथ गराएका हुन् ।

अर्थमन्त्री रामेश्वर खनाल, ऊर्जा, भौतिक योजना र सहरी विकास मन्त्री कुलमान घिसिङ र गृह र कानुनमन्त्री ओमप्रकाश अर्यालको शपथ लिएका हुन् ।

प्रधानमन्त्रीको शपथ ग्रहणमा नदेखिएका राष्ट्रिय सभाका अध्यक्ष नारायण दाहाल मन्त्रीहरूको शपथग्रहणमा उपस्थीत भएका छन् ।

प्रतिनिधि सभा विघटन भए पनि राष्ट्रिय सभा क्रियाशील भएकाले राष्ट्रिय सभाका अध्यक्ष दाहालको पद पनि यथावत छ ।

तर सभामुख देवराज घिमिरे भने जेन जेड आन्दोलनपछि दुई सार्वजनिक समारोहमा गएका छैनन् । दुई दिनअघिको प्रधानमन्त्रीको शपथग्रहण र सोमबारको मन्त्रीहरूको शपथमा उनी अनुपस्थित रहेका छन् ।

उपसभामुख इन्दिरा राना पनि दुवै समारोहमा अनुपस्थित रहिन् ।