एनपीएल-२०२५ : पहिलो खेलको टिकटबाट उठेको रकम प्रधानमन्त्री राहत कोषमा जम्मा गरिने
Thankot Times
२०८२ असोज २ गते २०:३७
थानकोट ।
नेपाल प्रिमियर लिग (एनपीएल)-२०२५ को पहिलो खेलबाट उठेको टिकट रकम प्रधानमन्त्री राहत कोषमा जम्मा गरिने भएको छ ।
नेपाल क्रिकेट संघ (क्यान)का सचिव पारस खड्काले बिहीबार (असोज २) नेपाली टिमको बिदाइ कार्यक्रममा एनपीएल-२०२५ को पहिलो खेलमा टिकटबाट उठ्ने रकम सबै राहत कोषमा जम्मा गरिने बताएका हुन् ।
क्यानले बिहीबार एक कार्यक्रममार्फत वेस्ट इन्डिजविरुद्धको शृंखलाका निम्ति युनाइटेड अरब इमिरेट्स (यूएई) जाने नेपाली टिमलाई बिदाइ गरेको हो ।
बिदाइअघि क्यानले भदौ २३ र २४ गते जेनजी प्रदर्शनका क्रममा ज्यान गुमाएकाहरूप्रति श्रद्धाञ्जलीसमेत अर्पण गरेको थियो ।
ट्रेन्डिङ
