थानकोट ।

काठमाडौं महानगरपालिकाले दुर्गम क्षेत्रका गाउँपालिकालाई एम्बुलेन्स वितरण गरेको छ ।

मंगलबार पहिलो चरणमा देशभरिका दुर्गम तथा मापदण्डका आधारमा छनोट गरिएका ३५ गाउँपालिकालाई एम्बुलेन्स वितरण गरिएको काठमाडौं महानगरका स्वास्थ्य विभाग प्रमुख दीपककुमार केसीले जानकारी दिए ।

उनका अनुसार, एम्बुलेन्स वितरणका लागि आवेदन माग गरिएकामा विभिन्न स्थानीय तहबाट आएको आवेदनलाई हेर्दै मापदण्डका आधारमा सुविधासम्पन्न एम्बुलेन्स उपलब्ध गराइएको हो ।

एम्बुलेन्स वितरण गर्दा सातै प्रदेशलाई समावेश गरिएको उनको भनाइ छ ।

एम्बुलेन्स वितरणका लागि पारदर्शी मापदण्ड बनाएर स्वास्थ्य सुविधा अभावमा पिछडिएका स्थानलाई प्राथमिकता दिइएको महानगरले जनाएको छ ।