पृथ्वी राजमार्गअन्तर्गत जवाङखोलामा खसेको पहिरो पन्छियो, धादिङ जिल्लामा छैन अवरोध
Thankot Times
२०८२ असोज ९ गते ७:५०
थानकोट ।
पृथ्वी राजमार्ग अन्तर्गत धादिङको बेनिघाट गाउँपालिका–१०, जवाङखोलामा अवरुद्ध सडक सुचारु भएको छ ।
बिहान ३ बजे पहिरो पन्छाएसँगै सवारी आवागमन सुचारु भएको छ ।
मंगलबार बिहान उक्त स्थानमा ठूलो सुक्खा पहिरो खसेको थियो । उक्त पहिरो पन्छाएर सडक सञ्चालनमा ल्याइएको थियो ।
तर, सोही ठाउँमा बुधबार साँझ पुनः पहिरो खसेपछि सडक ठप्प भएको थियो ।
धुनिबेसी नगरपालिका–१०, ठूलोखोला–धार्के–सीतापाइला सडक खण्ड, बेनिघाट रोराङ गाउँपालिका–१०, बाँदरेमोडमा ढुंगासहितको पहिरो खसेर बाटो दुईतर्फी अवरोध भएको जिल्ला प्रहरी कार्यालय धादिङले जनाएको छ ।
तुइन खोलानजिकको पहिरोका कारण मुग्लिङ–नारायणगढ सडकखण्ड पनि अवरुद्ध छ ।
संघीय राजधानी काठमाडौं प्रवेश गर्ने मुख्य नाका काठमाडौं–मुग्लिङ र मुग्लिङ–नारायणगढ सडकखण्ड अवरुद्ध हुँदा यात्रुलाई सास्ती भएको छ ।
प्रतिकात्मक तस्बिर
ट्रेन्डिङ
