थानकोट ।

गणेशमान सिंह मार्ग (थानकोट-चित्लाङ सडक) मा सोमबार बेलुका एउटा ट्याक्सी दुर्घटना भएको छ ।

साँझ ६ बजेतिर भएको सो दुर्घटनामा ट्याक्सी चालक घाइते भएको प्रहरी वृत्त थानकोटले जनाएको छ ।

प्रहरीका अनुसार रामेछापका ५५ वर्षीय चालक डम्बर बहादुर मगरले हाँकेको बा २ ज २७७५ नम्बरको उक्त ट्याक्सी सेतो पहरा क्षेत्रको ओरोलोमा ब्रेक फेल हुँदा सो दुर्घटना भएको हो ।

ट्याक्सीमा उनी मात्र सवारी थिए, ट्याक्सी चित्लाङबाट काठमाडाैंतर्फ आउँदै गरेको थियो ।

घाइते चालकको स्थानीय तथा प्रहरीको सहयोगमा साँझ नै उद्धार भएको छ ।

उनी बोल्न सक्ने अवस्थामा छन र टाउकोमा चोट लागेको प्रहरीको भनाइछ ।

हाल उनको ट्रमा सेन्टरमा उपचार भइरहेको छ।