थानकोट ।

निर्वाचन आयोगमा ९ वटा राजनीतिक दलले दर्ताका लागि निवेदन पेस गरेका छन्।

आगामी फागुन २१ गतेका लागि तय भएको प्रतिनिधिसभा निर्वाचनलाई ध्यान दिँदै ९ वटा राजनीतिक दलले दर्ताका लागि निवेदन दिएका हुन्।

गत भदौ २३ र २४ गते जेनजी आन्दोलनपछि तत्कालीन केपी ओली नेतृत्वको सरकार ढले अहिले सुशीला कार्कीको नेतृत्वमा सरकार बनेको छ। यो सरकारको मुख्य म्यान्डेट भनेकै फागुन २१ मा चुनाव गराउने हो।

आयोगले दल दर्ताका लागि प्राप्त निवेदनहरु अध्ययन गर्ने काम भइरहेको जनाएको छ।

दर्ता प्रक्रियामा रहेका दलहरुमा उज्यालो नेपाल पार्टी(बलेको चिम),श्रम संस्कृति पार्टी (माटोको ढिस्को),नेपाल नागरिक पार्टी (जेनजीको जुत्ता) रहेका छन् ।

त्यस्तै गतिशिल लोकतान्त्रिक पार्टी(बलेको ज्योती), राष्ट्रिय परिवर्तन पार्टी(बाँसुरी), नेपाल लिभरल पार्टी (सिक्का),राष्ट्रिय जेनजी पार्टि नेपाल (क्रस खुकुरी),कम्युनिष्ट पार्टी नेपाल र नागरिक उन्मुक्ति पार्टी,नेपाल,(जाँतो) रहेका छन् ।