थानकोट ।

चन्द्रागिरि नगरपालिका क्षेत्रका सामुदायिक र संस्थागत विद्यालयहरूबीच खुल्ला लोक नृत्य प्रतियोगिता सञ्चालन हुने भएको छ ।

भोलि (कार्तिक २८) शुक्रबार सञ्चालन हुने प्रतियोगितामा विभिन्न ३५ विद्यालयले सहभागिता जनाउने चन्द्रागिरि नगर शिक्षा, युवा तथा खेलकुद शाखाले जनाएको छ ।

थानकोटस्थित मंगलोदय माविमा सञ्चालन हुने प्रतियोगितामा एक विद्यालयबाट एक टोलीले सहभागिता जनाउने चन्द्रागिरि नगर शिक्षा अधिकृत बुद्धिप्रसाद भट्टले जानकारी दिए ।

एक समुहमा ८ देखी १२ जनासम्म विद्यार्थीहरू सहभागी हुन पाउने यस प्रतियोगितामा बढीमा पाँच मिनेटसम्मको नृत्य प्रस्तुत गर्न पाउने बताइएको छ ।

फाइल फोटो