थानकोट ।

काठमाण्डौ उपत्यकासहित देशभर चिसो बढेको छ ।

काठमाण्डौमा आज मंगलबार बिहानको न्यूनतम तापक्रम ७.४ डिग्री सेल्सियस मापन गरिएको छ ।

हिजो सोमबारको न्यूनतम तापक्रम ९ डिग्री सेल्सियस थियो ।

काठमाण्डौ उपत्यकासहित देशभर अहिले कुनै उल्लेखनीय मौसमी प्रणालीको प्रभाव नभएको मौसम पूर्वानुमान महाशाखाले जनाएको छ ।

महाशाखाका अनुसार दिउँसो कोशी प्रदेशको पहाडी तथा हिमाली भूभागमा आंशिक बदली रहनेछ ।

बाँकी भूभागमा मौसम मुख्यतया सफा रहनेछ ।