थानकोट ।

काठमाडौं महानगरपालिकाका मेयर बालेन्द्र शाहका बुवा रामनारायण शाहको निधन भएको छ ।

उनी आइतबार बिहान नयाँ बानेश्वरस्थित सिभिल अस्पताल भर्ना भएका थिए ।

उनको भेन्टिलेटरमा राखेर उपचार भइरहेको थियो ।

उनको पिसाबमा संक्रमण भएर शरीरमा फैलिएको थियो ।

शाहलाई भेट्न सोमबार बिहान प्रधानमन्त्री सुशीला कार्की पनि पुगेकी थिइन् ।

शाहको ७७ वर्षको उमेरमा निधन भएको हो । उनको आज नै पशुपति आर्यघाटमा अन्त्येष्टी हुने बताइएको छ ।

(*यसअघि समाचारमा प्रयोग भएको फोटो फरक पर्न गएकाले क्षमायाचनासहित सच्याइएको छ । सं.)