थानकोट ।

मन्त्रिपरिषद् बैठकका निर्णयहरू सार्वजनिक गरिएका छन् ।

सोमबार बसेको मन्त्रिपरिषद् बैठकका १८ निर्णय सार्वजनिक गरिएका हुन् । 

यातायात क्षेत्रसम्बन्धी सर्वोच्च अदालतका आदेशहरू कार्यान्वयन सम्बन्धमा दिपक सुवेदीको अध्यक्षतामा शरद अधिकारी र योगेन्द्र नाथ कर्माचार्य सदस्य रहेको जाँचबुझ आयोग गठन गर्ने निर्णय गरिएको सञ्चार तथा सुचना प्रविधिमन्त्री जगदीश खरेलले बताए । 

त्यस्तै २०८१ चैत १५ गते काठमाडौँको तीनकुनेमा भएको प्रदर्शनको क्रममा आगलागीमा परी मृत्यु भएका पत्रकार सुरेश रजकलाई सहिद घोषणा गर्ने निर्णय गरिएको छ । 

जेनजी प्रदर्शन तथा आन्दोलनमा घाइते तथा अपाङ्ग भएका व्यक्तिलाई राहत सहायता उपलब्ध गराउनेसम्बन्धी कार्यविधि, २०८२ स्वीकृत गर्ने निर्णय गरिएको छ ।