थानकोट ।

सम्झौताअनुसार काम नगर्ने सडक विभागअन्तर्गतको ठेक्का हालसम्म ३५ वटा तोडिएको छ ।

विभागले तयार गरेको मंगलबारसम्मको तथ्यांकअनुसार दुई अर्ब नौ करोड ७९ लाख ५३ हजारबराबरको ३३ ठेक्का तोडिएको हो ।

भौतिक पूर्वाधार तथा यातायात मन्त्रालयका सचिव केशवकुमार शर्माले दुई अर्ब रुपैयाँ हाराहारीको ठेक्का तोडिएको बताए ।

हालसम्म सडकतर्फ १८ अर्बबराबरको दुई सय ३५ ठेक्का तोड्ने गरी सूचना जारी भइसकेको छ ।

जसअनुसार कलंकी-नागढुङ्गा सडकको मर्मतको ठेक्का समेत तोडिएको छ । 

ओमकार विल्डर्सले पाएको सो ठेक्काको रकम २८ लाख ८२ हजार रुपैयाँ रहेको बताइएको छ ।