थानकोट ।

यस साताको पहिलो दिन आज आइतबार नेपाली बजारमा बहुमूल्य धातु सुनको मूल्य अघिल्लो कारोबार दिनको तुलनामा सामान्य मात्रामा घटेको छ ।

नेपाल सुनचाँदी व्यवसायी महासंघका अनुसार यस दिन सुनको भाउ प्रतितोला १ सय रुपैयाँ घटेको हो ।

आज प्रतितोला दुई लाख ५८ हजार ३ सय रुपैयाँमा कारोबार भइरहेको छ ।

गत शुक्रबार (पुस ४) मा प्रतितोला दुई लाख ५८ हजार ४ सय रुपैयाँ थियो ।

यस्तै, आज चाँदीको मूल्य अघिल्लो कारोबार दिनको तुलनामा तोलामा १ सय रुपैयाँ बढेर चार हजार १ सय ५ रुपैयाँ कायम भएको महासंघले जनाएको छ ।