थानकोट ।

नेपाल बजारमा सुनको मूल्य लगातार बढिरहेको छ । यो क्रम बुधबार पनि जारी रह्यो ।

नेपाल सुनचाँदी व्यवसायी महासंघका अनुसार यस दिन सुन प्रतितोला ९ सय रुपैयाँले बढेर दुई लाख ६८ हजार १ सय रुपैयाँ पुगेको छ । यो हालसम्मकै महँगो हो ।

मंगलबार (८ पुस) मा ५ हजार ५ सयले बढेर दुई लाख ६७ हजार २ सय रुपैयाँमा कारोबार भएको थियो ।

आज चाँदी पनि तोलामा १ सय ६५ रुपैयाँ बढेको छ । अघिल्लो दिन चार हजार २ सय ५५ रुपैयाँ रहेको एक चाँदीको मूल्य आज चार हजार ४ सय २० रुपैयाँ पुगेको महासंघले जनाएको छ ।