थानकोटमा एउटा कार आगलागीबाट क्षतिग्रस्त, अनुसन्धान जारी
Thankot Times
२०८२ पुष २१ गते १९:४३
थानकोट ।
चन्द्रागिरि नगरपालिका वडा नं. ३ थानकोटमा पार्किङ गरिएको एउटा कार आगलागीबाट क्षतिग्रस्त बनेको छ ।
प्रहरी वृत्त थानकोटका अनुसार थानकोटस्थित प्रगतिटोलमा पार्किङ गरिएको बा. २६ च ४४५९ नम्बरको कारमा सोमबार मध्यान्ह अचानक आगो लाग्दा सो कार जलेर पूर्ण रूपमा क्षतिग्रस्त बनेको हो ।
प्रहरीका अनुसार सो कारका धनी विनोद श्रेष्ठ हुन् ।
कारमा आगलागी भएपछि स्थानीय, चन्द्रागिरि नगरपालिकाको बारुण यन्त्र, तथा प्रहरी र सेनाको संयुक्त प्रयासमा नियन्त्रणमा लिइएको थियो ।
आगलागीको कारण हालसम्म खुल्न नसकेको र अनुसन्धान भइरहेको प्रहरीको भनाइ छ ।
सो आगलागीको घटनामा कुनै मानवीय क्षति नभएको बताइएको छ ।
ट्रेन्डिङ
