शंखरापुरमा महानगर यातायातको बस दुर्घटना हुँदा मृत्यु भएका ४ जनाको पहिचान खुल्यो
Thankot Times
२०८२ पुष २४ गते ८:२३
थानकोट ।
काठमाडौँको शंखरापुर नगरपालिका वडा नम्बर–३ स्थित लप्सेफेदी जंगलमा बुधबार साँझ बस दुर्घटना हुँदा मृत्यु भएका ४ जनाको पहिचान खुलेको छ ।
शंखरापुरको ढोल्बु सामुदायिक वनमा बा.४ ख ८७८८ नम्बरको महानगर यातायातको बस दुर्घटना हुँदा ४ जनाले मृत्यु भएको थियो ।
मृत्यु हुनेमा बाँकेको कोहलपुर नगरपालिका–५ घर भएर बुढानीलकण्ठ बस्ने ४९ वर्षीया कामना शर्मा, ताप्लेजुङ घर भएर बुढानीलकण्ठ बस्ने ५१ वर्षीया इन्दिरा लिम्बु, सिराहा घर भएर पेप्सीकोला बस्ने ५५ वर्षीया शान्ति गुप्ता र पाँचथर घर भएर गोठाटार बस्ने ६५ वर्षीय देवेन्द्र लिम्बु छन् ।
दुर्घटनामा परेर घाइते भएका २३ जनाको उपचार हुँदै छ ।
चारजना उपचारपछि डिस्चार्ज भएको जिल्ला प्रहरी परिसर काठमाडौँले जनाएको छ । पिकनिक गएर फर्किँदै गरेको बसमा नेचर हब कम्पनीमा आबद्ध यात्रु सवार थिए ।
ट्रेन्डिङ
