थानकोट ।

नेपाल क्रिकेट संघ (क्यान) ले नेपाली क्रिकेट टिमको बलिङ कन्सलटेन्ट कोचमा अस्ट्रेलियाका पूर्वखेलाडी इयान हार्भेलाई नियुक्त गरेको छ ।

क्यानले बिहीबार (माघ १) मा एक सूचना जारी गर्दै हार्भेलाई बलिङ कन्सलटेन्ट कोचमा नियुक्त गरिएको जानकारी दिएको हो ।

यससँगै आगामी टी-२० विश्वकपको तयारी गरिरहेको नेपाली टोलीले नयाँ बलिङ कन्सलटेन्ट कोच पाएको छ ।

५३ वर्षीय अस्ट्रेलियाका पूर्वअलराउन्डर हार्भेले अस्ट्रेलियाका लागि ७३ एकदिवसीय अन्तर्राष्ट्रियमा ७१५ रन बनाएका छन् भने बलिङतर्फ समान खेलमा ८५ विकेट लिएका छन् ।