थानकोट ।

नेपाली बजारमा सुनको भाउमा नयाँ कीर्तिमान बन्ने क्रम जारी रहेको छ।

अघिल्लो दिनको तुलनामा आज मंगलबार सुन प्रतितोला २ हजार ७ सय रुपैयाँले बढेको हो।

नेपाल सुनचाँदी व्यवसायी महासंघले यस दिनका लागि सुनको भाउ प्रतितोला २ लाख ८४ हजार ७ सय रुपैयाँ तोकेको छ ।

अघिल्लो दिन २ लाख ८२ हजार रुपैयाँमा सुनको कारोबार भएको थियो । अन्तर्राष्ट्रिय बजारमै सुनको भाउले नयाँ रेकर्ड बनाइरहेको छ ।

त्यस्तै चाँदीको भाउ प्रतितोला ७० रुपैयाँ बढेको छ । अघिल्लो दिन प्रतितोला ५ हजार ८ सय १० रुपैयाँमा कारोबार भएको चाँदी आज ५ हजार ८ सय ८० रुपैयाँ पुगेको छ ।