बिहेको लगनकै दिन सुनको भाउ तोलामा १४ हजार ४ सय रुपैयाँले बढ्यो
Thankot Times
२०८२ माघ २१ गते ११:२०
थानकोट ।
नेपाली बजारमा सुनको मूल्य ह्वात्तै बढेको छ ।
नेपाल सुनचाँदी व्यवसायी महासंघका अनुसार बुधबार (माघ २१) मा सुनको मूल्य प्रतितोला १४ हजार ४ सय रुपैयाँले बढेको हो ।
आजको मूल्यअनुसार उपभोक्ताले एक तोला सुन किन्न तीन लाख चार हजार ७ सय रुपैयाँ खर्चिनुपर्नेछ ।
हिजो दुई लाख ९० हजार ३ सय रुपैयाँ थियो ।
त्यसैगरी, चाँदी तोलामा २ सय ६५ रुपैयाँले बढेर पाँच हजार ६ सय रुपैयाँ कायम भएको छ ।
अघिल्लो दिन प्रतितोला पाँच हजार ३३५ रुपैयाँ थियो ।
ट्रेन्डिङ
