थानकोट ।

बिहीबार सम्पन्न प्रतिनिधि सभा सदस्य निर्वाचनको मतगणना जारी छ ।

पछिल्लो विवरण अनुसार राष्ट्रिय स्वतन्त्र पार्टीले काठमाडाैं जिल्ला निर्वाचन क्षेत्र नं. १ मा जित हात पारेको छ ।

प्रतिनिधि सभा सदस्य निर्वाचन-२०८२ मा चुनावी नतिजा टुंगो लागेको यो पहिलो निर्वाचन क्षेत्र हो । 

काठमाडौं–१ मा रास्वपाकी उमेदवार रन्जु दर्शना (न्यौपाने) निर्वाचित भएकी छन् । उनले १५ हजार ४५५ मत ल्याएकी हुन् । 

उनका प्रतिस्पर्धी कांग्रेसका प्रबल थापाले ६ हजार ३६४ मत पाए ।

राप्रपाका रवीन्द्र मिश्रले तीन हजार ९७२ मत प्राप्त गरे ।

 दर्शना निर्वाचित भएको निर्वाचन अधिकृतको कार्यालयले औपचारिक घोषणा भर्खरै गरेको हो । 

अब यस क्षेत्रमा समानुपातिक मत गणनाको कार्य सुरु हुनेछ ।

फाइल तस्बिरः सामाजिक सञ्जालबाट