राप्रपा संसदीय दलको नेतामा ज्ञानबहादुर शाही, प्रमुख सचेतकमा खुश्बु ओली चयन
Thankot Times
२०८२ चैत ५ गते १६:३५
थानकोट ।
राष्ट्रिय प्रजातन्त्र पार्टी (राप्रपा) ले संसदीय दलको नेतामा ज्ञानबहादुर शाही (ज्ञानेन्द्र शाही) लाई चयन गरेको छ ।
राप्रपा प्रमुख सचेतकको जिम्मेवारी भने खुश्बु ओलीले पाएकी छन् ।
पार्टी केन्द्रीय कार्यालय धुम्बाराहीमा बिहीबार बसेको संसदीय दलको बैठकले संसदीय दलको नेता र प्रमुख सचेतक चयन गरेको हो ।
प्रमुख सचेतक बनेकी ओलीले भनिन्, “संसदीय दलको नेताको जिम्मेवारी माननीय ज्ञानेन्द्र शाही र प्रमुख सचेतकको जिम्मेवारी मैले प्राप्त गरेकी छु ।”
शाही जुम्लाबाट निर्वाचित भएका हुन् । उनी राप्रपाबाट प्रत्यक्षतर्फ निर्वाचित भएका एक मात्र सांसद हुन् । ओली समानुपातिक प्रणालीबाट चुनिएकी हुन् ।
राप्रपाले प्रतिनिधिसभा सदस्य निर्वाचनमा प्रत्यक्ष तर्फ १ सिटमा जित हासिल गरेको छ । समानुपातिकमा चारजना सांसद चुनिएका छन् ।
ट्रेन्डिङ
