ललितपुरमा सवारी दुर्घटना हुँदा २८ वर्षीय सवारीचालकको मृत्यु
Thankot Times
२०८१ कार्तिक ८ गते ६:५७
थानकोट ।
ललितपुरको बागमती गाउँपालिका-३ माझखोलामा बोलेरो दुर्घटना हुँदा चालकको मृत्यु भएको छ ।
मृत्यु हुनेमा चितवन घर भएका २८ वर्षीय चालक भरत लामिछाने छन् ।
माझखोलास्थित सडकमा बा २ च ९६६८ नम्बरको बोलेरो गाडी अनियन्त्रित भई बुधबार बिहान दुर्घटना भएको थियो ।
दुर्घटनामा चालक भरत लामिछानेको घटनास्थलमै मृत्यु भएको हो ।
दुर्घटनामा गम्भीर घाइते भएका सहचालकको पाटन स्वास्थ्य विज्ञान प्रतिष्ठानमा उपचार भइरहेको छ ।
ट्रेन्डिङ
