थानकोट ।

कीर्तिपुर नगरपालिका-८ पांगाबाट ५ जना पुरुषलाई आइतबार दिउँसो प्रहरीले पक्राउ गरेको छ ।

केन्द्रीय प्रहरी समाचार कक्षका अनुसार स्थानीय रामकृष्ण महर्जनको घरमा जुवातास खेलिरहेको अवस्थामा रामकृष्ण समेत ५ जना पक्राउ परेका हुन् ।

प्रहरी वृत्त कीर्तिपुरबाट खटिएको प्रहरीले उनीहरूलाई नगद ९९ हजार ९ सय रूपैयाँ र ३ बुक ताससहित पक्राउ गरेको हो ।

उनीहरूमाथि प्रहरी वृत्त कीर्तिपुरबाट थप अनुसन्धान भइरहेको छ ।