थानकोट ।

प्रहरी प्रधान कार्यालयले ३११ प्रहरी निरीक्षक (इन्स्पेक्टर)हरूको सरुवा गरेको छ ।  

प्रहरी महानिरीक्षक दीपक थापाको निर्णयानुसार यही वैशाखको तलबभत्ता सम्बन्धित कार्यालयबाट खाने गरी उनीहरूको सरुवा गरिएको हो । 

प्रहरी प्रभाग बलम्बुमा कार्यरत प्रहरी निरीक्षक उपेन्द्रप्रसाद आचार्य इलाका प्रहरी कार्यालय बनेपा सरुवा भएका छन् ।

उनको स्थानमा प्रहरी श्रव्यदृश्य शाखामा कार्यरत लक्ष्मी खड्का सरुवा भएकी छन् ।

बैशाख १० गतेको निर्णय अनुसार सो सरुवा भएको बताइएको छ । 

प्रहरी वृत्त थानकोटमा पनि बुधबारबाट नयाँ इन्चार्जले जिम्मेवारी सम्हालेकी छन् । डीएसपी एलिजा गिरीले थानकोट वृत्तको जिम्मेवारी सम्हालेकी हुन् । 

प्रहरी वृत्त थानकोटमा डिएसपी गिरीकाे इन्ट्री, पूर्व प्रमुखको सुवेदीको बिदाइ