थानकोट ।

९५ लाख रूपैयाँभन्दा बढी स्रोत नखुलेको रकमसहित काठमाडाैंबाट चार जना युवा समातिएका छन् ।

काठमाडौं महानगरपालिका-९ पिंगलास्थान सडकबाट दुई वटा मोटरसाइकलमा सवार चार जनालाई प्रहरीले पक्राउ गरेको जिल्ला प्रहरी परिसर काठमाडौंका एसपी अपिलराज बोहराले जानकारी दिए।

पक्राउ पर्नेमा तार्केश्वर नगरपालिका-३ फेदीका २९ वर्षीय समुन्द्र जमकट्टेल, सप्तरीका ४३ वर्षीय गणेश राई, लमजुङका ३१ वर्षीय सन्तोष गुरूङ र ३९ वर्षीय सन्तोष घिमिरे छन्।

उनीहरूको गतिविधि शंकास्पद भएपछि प्रहरीले झोला हेरेको थियो।

त्यसभित्र ९५ लाख १७ हजार ५ सय रूपैयाँ फेला परेको हो।

प्रहरीले उनीहरूमाथि थप अनुसन्धान अघि बढाएको छ।